Alle Radøy FK sine kamper på Voss cup 2025.

På Vedlegget får man oersikt over våre kamper på Voss Cup 13-15 Juni 2025

Ein finn det og på nettsida til voss cup.

Voss Cup 2025

Radøy sitt 5. divisjonslag starta sesongen med ein sterk 6-0 siger mot Øygarden på ei rekordtidleg grasbane på Sletta fredag.

Det er lenge sidan ein har spelt seriekamp på Sletta i april. Bana var framleis litt graslaus og humpete i enkelte parti så då må ein også tilpasse spelet litt etter dette. Trenarduoen Gei Atle Osa og Thomas Rønn-Aar hadde lagt ein god kampplan som laget følgde. Det betydde ein meir direkte spelestil med fleire langballar og at ein ikkje tok for store sjansar med småspel bak. Dette fungerte godt og laget kunne gå til pause med 5-0 leiing.Etter berre 5. minutt vart Sander Rath spelt gjennom, runda keeper og sette ballen i nettet. Martin Tjore Espenes auka leiinga sju minutt seinare med ein frekk vipp med hælen over keeper. 10 minutt før pause var det Erland Soldal Sæbø sin tur å skåre. 17-åringen leverte ein god kamp og i vant stil med enorm kondisjon var han over alt på bana. Magnus Fjeld la på til 4-0 i det 42. minutt før Marin skåra sitt andre for kvelden rett før pause.I andre omgang var Radøy solide og sleppte Øygarden lite til. Radøy skåra heller ikkje før Øygarden sin keeper plukka opp eit tilbakespel med hendene. Frisparket sette Ivan Stautland Valdersnes kontant i nette frå kort hald. Dermed vart det feiring i garderoben etter ein solid 6-0-siger.&nbsp;&nbsp;

Foto: God start for A-laget til Radøy på Sletta fredag.

Knallstart for A-laget

Radøy sitt damelag spelte sin første seriekamp onsdag 23.april mot Tertnes. I år stiller damelaget med 7ar-lag, og var veldig spente på seriestarten med tanke på få folk og ein del avlyste treningar i løpet av vinteren. På kampar stiller me derimot kvinnesterke. Med to spelande trenarar steppa det opp to andre som holdt styr på tid og bytting frå sidelinja.

Allereie i det første minuttet kom det ei skåring frå Malin Valdersnes Hovland. Resten av første omgang heldt Radøy oppe presset, og me hadde dominans på Tertnes sin banehalvdel. Det var mykje klabb og babb foran mål og me gjekk derfor til pause på 1-0, men det skulle fort ha vore 5-0.

Etter ein kort pause var damene igjen klar til dyst. Utover andre omgang heldt me oppe det samme presset som i første omgang, og det gav endeleg uttelling i form av skåringar på løpande band. Maja Hermansen kvitterte med hattrick, og til slutt enda det opp med 7-0 siger til Radøy-damene.

Siger for damelaget

Radøy sitt G16 lag i 2 div har hatt ein god sesongstart der dei etter 2 kamper har 6 poeng etter siger borte mot Arna/Bjørnar 5 - 2 og siger på Bø i går mot Kvernbit 2 12 - 0.

Radøy har totalt 30 spelara i G16 klassen, noko som gjer att me kan ha 2 lag. Ett i 2 div og ett i 3 div.

I morgon starter laget i 3 div sin sesong med kamp borte mot Nordre Holsnøy kl 13 i Leirdalen.&nbsp;

Her håpar me att flest mogleg tar turen og ser på.

God start for Radøy G16

Tine Fotballskole blir arrangert 23.06 - 25.06.2025 på Hordabø Idrettspark

Radøy FK arrangerer Tine Fotballskole i juni 2025 på Hordabø Idrettspark

Når:23.06.2025 10:00 - 25.06.2025. Klokka 10:00 -&nbsp;14:00 Frist for påmelding: 23.06.2025 Spillere fra det året som skal starter i første klasse etter sommerferie og de som skal starte i sjuende klasse etter sommerferie (født 2013) Alder: 6år - 12år

<a href="https://club.spond.com/landing/courses/radøyfk/535A3FA62FB943F6AD41CB9D5C172C26">Påmelding til Tine fotballskole</a>

Vi håper på lika gøy fotballskole som i 2024.

Tine Fotballskole 2025

Over 330 barn, 65 lag deltok og spelte 97 kamper under årets Manger Cup

Over 2 Lørdager blei årets Manger cup avholdt i Radøyhallen.

Første Lørdagen var det lag som spelar 3 ar fotball der man hadde 3 kamper samtsundes.

Her var det mange som hadde si første turnering og fekk sin første pokal :-)

Lørdag nr 2 var det 5 ar fotball der man spelte ein og ein kamp.

Alle kamper vart leia av nykursa dommara frå egen klubb.

Manger cup 2024

https://open.spotify.com/episode/76rTvPQhDMlfXvDmISu5Yl?si=g7skuLZHTO69yUIENq6cxw

Hør den spennende reisen til Sindre Erstad. 

Forrige helg fekk me beskjed om att Magnar Fjeld var gått bort.

Det var med stor sorg me forrige helg fekk høyra at Magnar Fjeld var gått bort.&nbsp;&nbsp;Magnar'en hadde alltid eit smil på lur og ein kjapp replikk som fekk humøret opp hjå dei som møtte han.

Han vart tidleg engasjert i fotballen i Sæbø I.L, både som spelar og tillitsvald.&nbsp;I 1971 vart laget slått saman med Radøy I.L., og navnet vart Radøy/Sæbø I.L.&nbsp;Han vert nevnt som ei av eldsjelene i laget etter 1972.Som leiar i fotballgruppa 1973-76, som hjelpetrenar i 1975-76 og 1978 og som kaptein og aktiv spelar på B-laget.Magnar kunne snakka med alle.&nbsp;Eg har sett han mjuk og hensynfull når det har vore det rette.&nbsp;Men eg har og hørt han lesa folk teksten når det var nødvendig. Eg fekk sjølv oppleva dette.&nbsp;I 1974 kom eg til Radøy.&nbsp;Då var eg nett ferdig med politiskulen og i god fysisk form, men fekk same hausten kreft.&nbsp;&nbsp;Etter operasjon og strålebehandling var det ein temmelig nedfor og nedkjørt ung mann som kom heim.&nbsp;&nbsp;Mange held seg vekke, og vågde nesten ikkje snakka til.&nbsp;Men då var Magnar der: &nbsp;- Du kjem på trening.&nbsp;&nbsp;Me har bruk for deg.&nbsp;Du skal i alle fall ikkje sitja heima."&nbsp;&nbsp;&nbsp;Og eg vart med.&nbsp;Eg vil påstå at den beste medisinen eg fekk i dei dagar var fellesskapet i laget, og treninga eg fekk vera med på.&nbsp;Magnar rekrutterte meg og som tillitsvald.&nbsp;Først 1976-78 i Radøy/Sæbø I.L., og så var eg tilbake som leiar i Radøy I.L. 1989 – 1993. I alle år var Magnar ein trufast støttespelar i klubben.

I 1991 sto grusbana i Austmarka ferdig og Magnar fekk Radøy I.L. sitt heidersteikn på opningsdagen.&nbsp;Han hadde dyktige folk med seg i byggjenemnda, men det er ikkje tvil om at han var den sterke pådrivaren.&nbsp;110 personar la ned omlag 8400 dugnadstimar i dei to åra anleggsperioden varte.&nbsp;Sjølv hadde Magnar 769 dugnadstimar og det var meir enn dobbelt så mykje som den neste på lista. Dugnadsgjengen brukte sterke ord når dei omtalte han Magnar.&nbsp;&nbsp;"Me slapp aldri unna.&nbsp;Han fann oss uansett kor me var og spurde:&nbsp;- Kan du vera med på lørdag?&nbsp;Ikkje det, men kan du vera med i kveld då?&nbsp;Eller i morgon kveld då?&nbsp;&nbsp;"Me slapp aldri unna", fortel dei med eit smil. Magnar var og med å dra i gong messene på Sletta på 1980-talet.&nbsp;Eit tiltak som vart ei god inntektskjelde for laget.&nbsp;Typisk for Magnar har vore pågangsmotet og drivkrafta når han gjekk inn for noko.&nbsp;Han var aldri redd for å ta på seg ansvar.&nbsp;Av og til gjekk ting ikkje etter planen, og då var Magnar ofte den som kunne samla trådane og fullføra det som andre hadde begynt på.

Etter samanslåing av fotballaga på Radøy utover på 2000-talet vart Magnar og engasjert på trenarsida for desse laga.&nbsp;Dei som driv med aldersbestemte lag i klubben idag fortel også om ein engasjert og entusiastisk bestefar som fylgde barnebarna på fotballkampar heilt fram til sjukdomen sette ein stoppar for dette.&nbsp;

I 2004 fekk Magnar Fjeld Radøy kommune sin kulturpris for sin innsats både for idrett og musikk i ein mannsalder.&nbsp;

I over 50 år har altså Magnar Fjeld vore ei drivande kraft og eit førebilete for små og store på Radøy innanfor musikk og idrett.&nbsp;Me er mange som er djupt takknemlige.

Våre varmaste tankar går til Anne-Karin og øvrige familie.

Kvil i fred, Magnar.&nbsp;Du var heil ved.

Jostein Skråmestø tidlegare leiar i Radøy I.L.

Minneord

Med 3-2-siger heime mot Minde fredag ligg A-laget på 4. plass i 5. divisjon. Med det retta dei opp igjen fadesen frå 7-1 tapet borte mot Baune førre helg.

Smått utruleg var pauseresultatet 1-1 på fredag. Radøy var klart best og skapte fleire veldig stor sjansar. Men det vart med det eine målet for heimelaget - eit flott innlegg fra Sander Rath som unge Isak Friis Thomassen sette sikkert i mål. Utan å ha skapt ein einaste målsjanse i 1. omgang klarte Minde å utlikne med eit flott langskot der Radøy-spelarane gløymde å gå opp i press. Minde var litt betre i andre omgang, men også då utan å skape noko veldig farleg før siste kvarteret. Radøy gjekk også opp i 2-1 leiing då storskårar Sander Rath ein halvtime ut i omgangen vart spelt gjennom, sprang frå forsvaret og skåra sikkert åleine med keeper. Men i staden for å sikre det heile inn rota Radøy det til siste kvarteret. Minde pressa høgare og Radøy gjorde feil på feil. Det enda med utlikning for Minde knappe 10 min før slutt. Men då det såg som mørkast ut tok Sander Rath ansvar omtrent på eigahand og fastsette sluttresultatet til 3-2 godt og vel på overtid. Loddefjord 2 droppa å stille til kamp for andre gong i år førre helg og er dermed ute av sesongen og rykker ned til 6. div. neste år. Radøy var eitt av få lag som har tapt mot Loddefjord 2 i år - i og med at dei i kampen mot Radøy stilte med fleire 3. divisjonsspelarar frå Loddefjord 1.&nbsp;Dette betyr at Radøy får nulla ut det tapet og dei fleste andre lag tapar poenga dei vann mot Loddefjord 2.&nbsp; Radøy spelte elles uavgjort i ballsparkcupen mot tabelleiar i 5. div. avd. 1, Trott/Solid/Stord 2, onsdag i førre veke. Radværingane vart slegne ut på straffespark, men dette var uansett ein bra prestasjon etter ei svært lang reise i midtveka. Neste fredag møter Radøy Kvernbit på Fossemyra. Kvernbit ligg på plassen over på tabellen. I årets sesong har Radøy skåra like mange mål som dei som ligg heilt i toppen av tabellen. Men samstundes har laget sleppt inn like mange mål som dei som ligg blant dei siste på tabellen. Klarar ein å tette igjen bak kan det altså bli ei spennande avslutning på sesongen. Bilettekst: Sander Rath (t.h) held fram med å bøtte inn mål - 2 i denne kampen pluss ein assist. Unge Isak Friis Thomassen er tilbake på skåringssporet etter ein langvarig låskade i vårsesongen og skåra første målet for heimelaget.

5. div: A-laget på 4. plass

I samarbeid med Austrheim Idrettslag og Fotballklubben Bergen Nord stilt Radøy  med eit lag i G14 klassen på Stjerne cup på Hamar i helga.

14 spillere reiste på Fredag til Hamar for å delta på Stjerne cup 2024.

laget som bestod av spillere frå Fotballklubben Bergen Nord, Austrheim idrettslag og Radøy FK var påmeldt på nivå 2.

Da mange av spillere deltar på fleire lag i fleire årsklasser var det vanskeleg å finne plass til trening og kamp på forhånd der man kunne møtes for å bli litt kjent.&nbsp;

Men da alle spillere var samlet i klasserommet på kvar sin madrass gjekk det ikkje mange minutt før man tenkte att desse har kjent kvarandre i mange år.

Lørdagen startet med vekking kl 0615 og frokost før det var avreise til Romedal stadion og første kamp kl 08 00 mot Skedsmo.&nbsp;

Vi var einige om høgt press fra start av,&nbsp;som resulterte i 1 - 0 heilt i starten av kampen.&nbsp;

Vi vann denne kampen tilslutt 3-0 på ei grasbane med litt høgt gras.

Neste kamp var på samme bane kl 12.10 mot Kolstad Fotball.

Vi såg ingen grunn til å endre på oppskrifta så høgt press fra start resulterte i tidlig mål her og (før minuttet).

Denne kampen vann vi tilslutt 5-2. Kolstad scora på eit straffe (hands) og ein kanon av eit frispark fra 18-20 m. rett i vinkelen. Fantastisk flott mål!

Kamp nr 3 Lørdag var mot selveste Enga (VIF) kl 1440 på samme bane.

Som i de 2 foregående kamper var det rett i strupen på VIF og 1-0 før minuttet var passert.

No hadde vi virkelig blitt vant til å spille på grasbane med litt høgt gras så no var det brassespark og heil volley som strauk stengene.

Dermed ender Lørdagen med at vi er klar for A-sluttspillet som nest beste første lag av samtlige vinner av puljer med 9 poeng og 14 pluss mål.

Eidsvåg vart beste første lag med 9 poeng og 16 pluss mål.&nbsp;

Søndag var det klart for kvartfinale mot Vind Il kl 08 00 på Løten Stadion. Ei flott og stor grasbane som innbydde til flott ein "tøtsj" fotball.

Vind Il er fra Gjøvik og kan då reknast som ett lokalt lag.

Oppskrifta var klar, høgt press fra start noko som her og resulterte i eit kjappt mål.

På denne bana likte me oss svært godt og me vann tilslutt 5-1. Vind sitt mål kom etter litt klabb og babb i 5 meteren der ei lang tå sendte ballen i mål.

Med den seieren er me klar for semifinale mot Fjellhamar 1 på same stadion men ei anna og mykje mindre grasbane.

Denne kampen vart lite fintspel pga lita og ikkje den beste grasbana. Men det hindra ikkje ein av spissane våre å lobba ballen elegant over keeper og i mål til ellevil jubel blant tilreisande supportera som hadde fått beskjed om å rensa strupen då her var eindel tilreisande Fjellhamar supporterar. Utover kampen vart det meir og meir stilt frå dei mens me hadde meir å jubla for då det kom eit mål til slik at me vann til slutt 2-0.

Då var det klart for finale mot sjølvaste Hønefoss i finalen på Fart stadion kl 1620.

<a href="https://radoyfotballklubb.sharepoint.com/_layouts/15/stream.aspx?id=%2FShared%20Documents%2FStjerne%20cup%202024%2Ffiltered%2D946A725B%2D6D79%2D46F1%2DB9A9%2DEE9B8C6AF0F8%2Emp4&amp;referrer=StreamWebApp%2EWeb&amp;referrerScenario=AddressBarCopied%2Eview%2Ec177a6b7%2D656c%2D4228%2Db9ee%2Dc56b37265bca">Innmarsj </a>

Hønefoss er eit lag som Radøy sitt G14 lag spelte mot i 8 delsfinalen i Norway cup for ein knapp månad sidan. Ein kamp Radøy G14 vann 1- 0.&nbsp;

Denne finalen var jevn, nervøs og mange slitne bein slik ein finale ofte er. Me hadde 2 store sjanser i 1 omgang til å opne målkontoen men det stod 0 - 0 til pause.

Etter pause hadde tilskuerane knappt fått satt seg ned igjen før Henrik blir spelt fri av Håkon og elegant sette ballen i mål frå hjørne av 5 meteren til 1-0 etter ca 1 minutt av 2 omg.

Etter ca&nbsp;9-10 minutt så snapper Mads opp ei blokkering av ett skudd og pirker inn 2-0 til oss, noko som og blir sluttresultatet.

Føler att me har full kontroll og vinn fult fortjent.&nbsp;

Det blei ganske seint da premieutdeling var ferdig ca kl 18 og man hadde 7-8 timers kjøring framfor seg.&nbsp;

Men alle var smilande og fornøyd med helga.

Måten spillerene oppførere seg ovenfor lagkamerater, motstandere, dommere, trenere er eksempel til etterfølgelse.&nbsp;

Ingen syting og klaging på dommere, ingen hoing og skriking på motspillere ja til og med bosset blir kastet der det skal.

Det samholdet og resultatet som denne turnering har vist, viser att man ilag på tverrs av klubber og lag kan få til noko som man kan bygge videre på.

Her er det skapt mange og gode minner.&nbsp;

Denne gangen deltok man under Radøy FK med Ståle Villanger og Konrad Risnes som heldige trenere som har blitt kjent med mange nye flotte, unge mennesker, neste gang kan det vere Austrheim eller Bergen Nord.

Det har og vore 2 fra Radøy med på NBK sitt G13 lag denne helga, dei vann D sluttspillet i eliteklassen.

Om 2 veker er det Jenter fra Radøy med på NBK sitt J14 lag.

Stjerne cup innlandet

Les trenernes oppsummering av årets Norway Cup. 2 lag til A-sluttspelet og 1 lag i semifinale i B-slutspelet.

J19 ble trukket i ei tøff innledende gruppe med Ranheim, Blindheim og Roterud. Målet for turneringa sportslig var å gjere det betre enn fjoråret.&nbsp;

Første kamp blei spelt mot Roterud. Ein jamnspelt kamp som begge lag kunne vunnet, men enda 1-1. Mykje god kjemping og delvis bra spel. Ein retur der keeper var langt ute havna i beina på Thea Risnes, som på oppfordring frå heile supportergjengen på Rustad, satt ballen elegant i mål. Blindheim var motstander i kamp nummer to. Jentene kjempar godt gjennom heile kampen og kom seg til nokre sjansar, men Blindheim var eit hakk for gode og det blei et 4-0 tap. Siste innleiande kamp var mot Ranheim. Desse kjende jentene frå i fjor og visste det kom til å bli tøft. Ranheim er nok det beste laget J19 har møtt. Dei spelte veldig god offensiv fotball som Radøy aldri fant ut av. Det enda med eit 9-1 tap som kunne vært verre om ikkje Rikke Bauge hadde vært god bakerst i rekkene. Andrea Marøy scora trøstemålet til Radøy. Nok ein gong kjempa jentene godt. Dette gjorde til at J19 havna på 3. plass i si gruppe og dermed B-sluttspel. I 1/16-finalen var det lokal motstand i Smørås. Denne kampen var Radøy det beste laget og Carolina Hamre sendte Radøy i leiinga i første omgang. Smørås blei kjempa i senk og Symra Elvik satte sikkert inn 2-0. På slutten blei det litt nervøst når Smørås fekk ein redusering, men jentene holdt ut og kjempa seg vidare til 1/8-finale. Der venta sjølvaste arrangørklubben Bækkelaget. Nok ein gang blir det jamnspelt og Radøy tar leiinga ved kaptein Eirin Blomvågnes på ein corner. Bækkelaget får eit uforståelig straffespark som dei utliknar på. Like etter fekk Bækkelaget eit mål til. Jentene jobba godt for å få utlikning, men tross nokre sjansar enda det med tap 2-1. Jentene kan sjå tilbake på ei god turnering med stor forbetring frå fjoråret. Oppførsel på og utanfor bana har vært kjempegod! Oslo viste seg frå si beste side med fantastisk vær. Cupen blei avslutta med ein felles middag på italiensk restaurant med god mat og oppsummering av veka. Det har vært eit strålande samhold i laget og ikkje minst i klubben.&nbsp;

Alle kampar med Radøy-lag innvolvert føltes som heimekampar. For ein gjeng som har vært samla! Takk for turen, dette er minner for livet!&nbsp;

Trenarteam. Sindre, Torbjørn, Solveig og Kjetil&nbsp;

---------------------------------------------------------------------------------------&nbsp;

Radøy G14 sine 16 spelarar hadde ei fantastisk veke i Oslo, både sosialt og sportsleg.&nbsp;

Sportsleg gjekk det over all forventning, der eventyret blei avslutta med eit 0-2 tap mot sjølvaste Moss i B-sluttspelet sin semifinale. På vegen dit hadde me sendt heim fleire 1. og 2.divisjonslag, som bla Hønefoss, Stabæk og Drøbak- Frogn.&nbsp;&nbsp;

Det såg også ut til at gutane kosa seg utanfor bana, noko som kanskje er vel så viktig som det sportslege. Mykje av tida gjekk med til å heie på dei 4 andre Radøy- laga, i tillegg til litt restitusjon, byvandring og shopping inni mellom slaga.&nbsp;

Gutane budde på 4 stk 4-mannsrom, der mykje lått og løye kunne høyrast frå utsida fram til kl 23:00 kvar kveld, når lyset endeleg blei slukt.&nbsp;

Me trur at Norway cup har vore ei flott oppleving for gutane. Ei oppleving som har knytt enno sterkare band internt i spelargruppa og som gjer laget enno meir homogent, både på kort og lang sikt.&nbsp;&nbsp;

Me håpar og trur at dette er minner dei tek med seg resten av livet.&nbsp;

Gutane sin eksemplarisk oppførsel, både på og utanfor bana ,heile veka,&nbsp;gjorde at me i trenarteamet reiste særdeles stolte (og litt sliten) heimatt utpå fredagen.&nbsp;&nbsp;

Tomas, Konrad &amp; Ståle&nbsp;

-------------------------------------------------------------------------------------------------------------&nbsp;

G15 Norway Cup.&nbsp;&nbsp;

Endelig ble drømmen om Norway Cup virkelighet ! Gutta (og foreldre) har jobbet mye dugnad for å få dette til :)&nbsp;&nbsp;

Norway Cup har vært en suksess både med tanke på resultat men også teambuilding for laget vårt, og lagene rundt oss. Vårt høydepunkt i resultat er å slå Vålerenga og komme til A-sluttspill. Alle har bidratt til at dette kommer til å bli gode minner som alle tar med seg videre!&nbsp;

Guttene har oppført seg fantastisk 😍 De har passet på, oppmuntret og trøstet hverandre. Det at 14 tenårings gutter klarer å møte presist til alle samlinger i resepsjonen og til frokost kl.06:30 er fantastisk 🤩&nbsp;

På buss, trikk, fotballbanen og i Oslos gater har denne gjengen (ink noen foreldre ) skapt god stemning med dans og musikk :)&nbsp;&nbsp;

G15 satte Radøy på kartet 🤩&nbsp;

Og det var ikke mange som kom hjem igjen med stemme 😅&nbsp;

For en heiagjeng de er , disse gutta hører du laaang vei ;-)&nbsp;&nbsp;

Trenarteam: Cato, Lars Erik, Hanne og Atle&nbsp;

-----------------------------------------------------------------------------------------&nbsp;

No har vi komme heim til den fine øya vår, og tenker på alt vi har vore med på den siste veka.&nbsp;

Det har vært fantastiske dager med juniorlaget! Det er en flott og sammensveisa gjeng! Dei er inkluderende, har godt humør, er høflige og knallgode fotballspillere et drømmelag! Vi var heldige som fikk låne en kjekk kar fra A-laget, Inge Johan! Kristoffer og Nudde var skadet, og gjorde en formidabel innsats som vann-ansvarlige. Den spesielle saft- og saltblandingen går det rykter om Vi savna dei som ikke kunne vera med- ingen nevnt, ingen glemt men vi får håpe på flere muligheter

Foreldregruppa er og heilt super! Dei har heia fram laget på kampene, vaska drakter, laga reiseruter, bestilt mat, og mye mer «Monsen» har tatt mange gode bilder og delt med oss Takk!! I tillegg var det veldig kjekt å se engasjerte besteforeldre på sidelinja

Eg må og få si hvor heldige vi er; Lene er med som en fantastisk lagleder. Ho sprer godt humør, masserer slitne muskler, lapper sår, kjøper snop og har gode samtaler med både store og små Arild har roen, og er svært god på å finne gode løsninger på vanskelige situasjoner. Han er en taktiker laget treng I tillegg er han god til å sjå kvar enkelt, både spelarar og andre &nbsp;

Juniorlaget har møtt opp på kamper og støtta dei andre laga frå Radøy på ein strålende måte. Dei er gode forbilder for dei yngre spelarane i klubben. Kan hende dei hadde eit ekstra godt auge til jentelaga, ikkje veit eg…&nbsp;

Vi kom i ei ekstremt god innledningsgruppe, Ready tapte ikkje ein kamp i Norway cup, og vant finalen mot Sandviken 2-0. Hitra vart slått ut av Sandviken. Vi spelte 1-1 mot Langevåg, som kom heil til finalen i B-sluttspelet. Så eg er utrulig stolt av, og godt fornøyd med prestasjonen til laget &nbsp;

Heldige oss i trenerteamet som får være sammen med en slik fantastisk ungdomsgjeng &nbsp;

Bamseklem fra Svein Helge og hans disipler :-)&nbsp;

------------------------------------------------------------------------------------------------&nbsp;

Oppsummering J14 – Norway Cup 2024&nbsp;&nbsp;

Laurdag 31. august sat 16 jenter frå Radøy sitt J14-lag kursen mot hovudstaden i landet vårt. Der venta ei veke med spenning og fotball i verdas største fotballturnering, nemleg Norway Cup. I nærare 1 år hadde me planlagt dette, og det var utnemnt ein eigen arrangementskomité i anledninga. Dei&nbsp;hadde gjort ein fantastisk innsats med både planlegging av dugnader og kvar me skulle overnatte under opphaldet.&nbsp;&nbsp;

Me vart innkvartert på sjølvaste hotell Bondeheimen, eit flott hotell midt i Oslo og med eit passande namn for ein gjeng strilar. Det var ikkje berre J14 som skulle bu på dette hotellet, dei andre Radøy-laga hadde og fått rom i herberget. Saman med foreldre og sysken var talet nær 200 Radværingar som overnatta på same plass.&nbsp;&nbsp;

Me byrja turneringa søndag med kamp på Voldsløkka. Kampen enda med tap 0-3 for eit meget godt KFUM-kam. Rød, som også vann pulja. På mandag tok me trikken til ei godt gøymd grasbane i skogen på nedsida av Ekebergsletta. Her skulle verkeleg laget få sin revansj, og dei gav seg ikkje før Florø FK hadde henta 5 baller ut av nettet. Kampen enda 5-0 til Radøy. På tysdag tok laget turen til Hareløkka kunstgras, der Vind IL venta på andre sida av bana. Kampen var lenge jamn, men med eit overtak både i spel og sjanser til Radøy. Kampen enda fortent 1-0 til Radøy etter scoring i 2. omgang. Seinare same dag venta Randaberg 2 på Lambertseter, ein kamp om 2. plass i gruppa og A-sluttspel.&nbsp;&nbsp;

Kampen starta bra for Radøy som verka tend og klar for oppgåva, men etter kort tid fekk keeper til Randaberg et illebefinnande og kampen fekk ein lang pause. Opplevinga prega spelarane frå jærlandet såpass at dommaren valde å avslutte kampen etter å ha rådført seg med begge lag sine trenarar. Resultatet var satt til 1-1, noko som gav 2. plass i gruppa og avansement til A-sluttspel for jentene. Det store målet var nådd, og det var ein lykkeleg bande som reiste tilbake til hotellet. På onsdag skulle laget møte Fløy i 1/32-finale på Voldsløkka. Fløy var eit godt lag og vann fortent 2-0. Norway Cup var dermed over for denne gong sportsleg, men jentene var ivrige tilskodarar og heia fram dei andre Radøy-laga som fortsatt var med i turneringa.&nbsp;&nbsp;

Trenarane og støtteapparat på J14 vil takke alle som var med på å gjere denne veka i Oslo til ein stor oppleving for jentene. Sjeldan har eg opplevd eit slikt samhold og støtte på tvers av lag i same klubb. Takk til alle foreldre, sysken, onklar, tanter, besteforeldre og vener som støtta laget vårt og dei andre laga frå sidelinja under alle kampane. Dette gjorde Norway Cup til ei heilt spesiell oppleving for alle som deltok.&nbsp;&nbsp;&nbsp;

Helsing Sindre, Even, Benedikte og Jannicke&nbsp;&nbsp;

---------------------------------------------------------------------------&nbsp;

<a href="https://radoyfotballklubb.sharepoint.com/:v:/g/EQXjvZm-8v9Bke6lkfV9Rn8B12Hsjgq3fWGvxT8v-B1vrQ?e=G9xxeo">Sjå video av ein haug med Radøyspelera og supportera samla i ein ring&nbsp;</a>

Tekst: Dei forskjellige trenere og bilder og video vår egen Lars Monsen (Sondre Villanger Håland )&nbsp;

Oppsumering av Norway Cup

Me inviterer alle årets førsteklassinger med foreldre/føresette til fotballkveld

Har du ei eller ein førsteklassing som vil spela fotball så inviterer med dei ilag med foreldre/føresatte til fotballkveld

Torsdag 22 August kl 17.30 - 18.30 på Manger.

<a href="/kx/927/files/EPuQqfiO9lrU%20%282%29.docx">Invitasjon</a>

Oppstart nye 1 klassinger

Sander Rath skåra like godt fire i 5-1 sigeren til A-laget mot Viggo heime på Hordabø fredag.

Det gjekk litt trått for heimelaget i starten men 22 minutt ut i kampen sette Morten Helland ballen i nettet. I det 28. og 30. minutt auka Sander leiinga til 3-0. Radøy var frampå fleire gongar og det såg såg dermed rimeleg trygt ut til pause. Men etter pause tok Viggo meir over spelet. Det førte til ei redusering før det var gått 10 minutt ut i omgangen. Viggo pressa også på men Radøy var farlege på kontringar. Sander Rath kom mellom anna åleine med keeper, men lobben gjekk like over tverrliggjaren. Men litt ut i ein periode då det såg litt krevjande ut for heimelaget så kom Sander åleine med keeper på nytt. Denne gongen runda han sisteskansen og sette ballen i nettet. Han fekk nok ein sjanse litt på overtid og dermed sikra Radøy ein 5-1 siger. Radøy varierer i prestasjon gjennom ein kamp. Laget har skåra mange mål i år, men har sleppt inn for mange til å få ei plassering på dei øvste plassane på tabellen. Med denne sigeren passerer Radøy Viggo på tabellen og ligg no på 5. plass. Måndag kveld møter laget Kvernbit heime på Bø. Kvernbit har gjort det veldig bra i vår og ligg no som nr to og på opprykksplass. Måndag vert dermed ei krevjande men inspirerande oppgåve for Radøy. Fototekst: Sander Rath sette fire ballar i nettet på fredag og i kampen før skåra han hat trick. 23-åringen er dermed i skåringsform.

Øyvind Skutle kunne på nytt leie feiringa etter ein ny siger for A-laget.

Sander er i skåringsform

Radøy sitt a-lag for menn tok ein ny siger med 3-6 borte mot Fyllingsdalen søndag.

Det var mykje bra i deler av denne kampen og det kan sjå ut som at ein del ting fell på plass etter ein noko varierande vårsesong. Dei fleste spelarane er også tilgjengeleg no og Sander Rath er også i ferd med å finne målformen med to skåringar i denne kampen. To forsvarstabbar førte til to av skåringane til Fyllingsdalen 2 - som elles ikkje skapte så mykje farleg. Radøy tok leiinga etter 17 minutt ved Inge Johan Hella. Kort tid etter utliknar Fyllingsdalen etter ein forsvarstabbe hjå Radøy.&nbsp;Inge Johan er litt seinare åleine med keeper og sentrar til Aleksander Valdersnes som kan setje ballen i det opne målet. Sindre Bøe vert spelt fri på omlag same måte litt før pause og Radøy kan gå i garderoben på stillinga 1-3. Rett etter pause er Sander Rath på raid i kjend stil og aukar leiinga til 1-4. I det 70. minutt er Sander frampå igjen og vert teken av keeper. Ingmar Hoen Tjore set straffen sikkert i mål - 1-5. Deretter verkar det som Radøy senkar intensiteten eit hakk og Fyllingsdalen 2 tek meir over. Det fører til at heimelaget skårar i det 80. og det 90. minutt. Eitt av desse måla var eit merkeleg tilfelle der Radøy-forvaret ikke klarte å bestemme seg om kven som skulle klarere ballen. I staden vart det ein Fyllingsdal-spelar som skåra mål. På overtid skårar Sander sitt andre for dagen og dermed vart det siger 3-6 til Radøy. Fredag møter Radøy Viggo heime på Bø-graset og det vert lokaloppgjer måndag 24. juni mot Kvernbit same stad. Fototekst: Sander Rath har opna målkontoen med fleire skåringar i dei siste kampane - to på søndag mot Fyllingsdalen 2.

Ny siger for a-laget

Første trepoengar for Radøy 2 i 6. divisjon kom i siste seriekamp i lokaloppgjeret mot Kvernbit 2.

Kampen enda 4-3 til heimelaget i ein frå Radøy sitt synspunkt unødvendig spennande kamp. På eit tidspunkt såg det ut som at heimelaget hadde god kontroll på stillinga 3-1, men enkle feil førte til at Kvernbit utlikna til 3-3 etter dryge kvarteret i 2. omgang. 1-0 kom etter berre to minutt i kampen. Kaptein Even Rikstad sende i veg eit knallhardt frispark frå rundt 25 meter og rett i mål. Rikstad er endeleg tilbake etter ein langvarig ankelskade og kvitterte med ein god kamp så lenge kreftene heldt. Han auka til 2-0 på same vis ti minutt seinare. Kvernbit reduserte med eit langskot etter dryge halvtimen. Men Radøy burde hatt ei skåring til i den perioden. Berre to minutt seinare auka Radøy til 3-1 etter flott klikk klakk-spel framfor Kvernbit sitt mål. Målskårar var Aleksander Grindheim som er tilbake i vår etter å ha vore vekke eit par år på grunn av studier. Det såg dermed greitt ut for Radøy då laga gjekk til pause. Men som i fleire kampar før denne sesongen måtte den eine etter andre ut tomme for krefter eller med småskadar. Dermed tok Kvernbit meir over. Det enda med to kjappe skåringar til gjestane 7 og 18 minutt ut i 2. omgang - først eit langskot frå ca 35 meter og så eter skikkeleg rot i Radøy-forsvaret. Dermed 3-3. Kvernbit hadde då teke over styringa i kampen, men Radøy-spelarane gav ikkje opp. Heimelaget sin store spelar i denne kampen, Antonio Cardeaal, var farleg fleire gongar på corner. Berre ein god Kvernbit-keeper hindra to headingar frå den storvokste spelaren frå å gå i mål. Medan det såg litt mørkt ut for heimelaget var det nettopp Cardeaal som fekk putta ballen i mål etter ein dødballsituasjon. Han herja og kontrollerte luftrommet i begge boksane i heile kampen og slo også gode ballar ut av pressa situasjonar. Dei siste minutta&nbsp;var det svært spennande og dommaren la til svært mykje, men til slutt kunne altså Radøy 2 juble for alle poenga. Radøy ligg no nest sist med berre 5 poeng etter halvspelt sesong. Manglande oppmøte på trening og kamp har ført til svært varierande resultat. Laget har også hatt skadar på fleire sentrale spelarar. At Eskil Marøy klarte å spele mesteparten av denne kampen var ein viktig grunn til sigeren. Han har slitt med lysken heile vårsesongen og er svært viktig for dette laget. Radøy har i tillegg rota bort sigrane mot slutten av minst tre kampar i vår. Men med denne sigeren er det framleis håp om å sikre fornya kontratakt i 6. divisjon.&nbsp; Fototekst: F.v. Even Rikstad skåra 2, Antonia Cardeaal 1 og Aleksander Grindheim 1.

ENDELEG for Radøy 2

A-laget går vidare til tredje runde i ballspark-cupen etter 4-1 siger borte mot Arna Bjørnar 2 på tysdag.

Sidan Arna Bjørnar 2 er eit 6. divisjonslag starta dei med eit straffespark før kampstart. Dette redda keeper Sigve Dragøy. Men etter ein svært nølande start av radværingane der ein spelte seg inn i trøbbel, skåra Arna Bjørnar 2 med eit langskot etter berre to minutt. Deretter tok Radøy meir tak i det og Arna Bjørnar skapte svært lite farleg i resten av kampen. Etter 8 minutt skåra Alexander Valdersnes sitt første av tre mål i kampen. Han skåra sitt andre like før halvtimen og Radøy gjekk til pause med 2-1-leiing. Det var ingen stor kamp av Radøy men det kom seg litt etter pause. Radøy bomma også i denne kampen på fleire gedigne målsjansar. I det 50. minutt sette Magnus Sundsøy panna på ballen etter corner og Radøy gjekk opp i 3-1-leiing. Alexander sytte for hat trick i det 63. minutt og dermed kunne Radøy reise heim med siger og er klar for 3. runde i cupen.

Radøy vidare i cupen

Radøy sitt 5. Divisjonslag vann 6-2 heime på Bø mot Ny-Krohnborg fredag.

I ein noko varierande vårsesong kom dei tre poenga godt med. Radøy dominerte mesteparten av kampen og burde ha skåra fleire enn dei fire før pause. I tillegg slepte heimelaget inn to baklengs mot slutten av 1. omgang. Første målet kom etter straffe som Ingmar Hoen Tjore sette sikkert i mål. Sander Rath var fleire gongar farleg frampå - og auka til 2-0 etter kvarteret. Alexander Stautland Valdersnes skåra så det tredje målet i kampen like før halvtimen. Gjestane spelte seg så gjennom Radøy-forsvaret - før Sander Rath sette inn sitt andre for kvelden. Mot slutten av omgangen fekk gjestane corner og mykje tyda på at heimelaget mentalt var på veg inn til pause, for to spelarar fekk stå heilt åleine og ein av dei kunne avslutte enkelt rett utanfor 16-meteren. I andre omgang var det noko jamnare spelmessig, men gjestane skapte lite farleg. Radøy brende også i denne omgangen fleire 100-prosentsjansar. Men 20 minutt før slutt skåra Ingmar Hoen Tjore sitt andre for kvelden etter corner. Lagets yngstemann, Erland Soldal Sæbø (16), fastsette sluttresultatet til 6-2 på overtid. Neste kamp blir tysdag i ballspark-cupen - borte mot Arna Bjørnar 2, og deretter seriekamp neste søndag borte mot Fyllingsdalen 2.

Solid siger til A-laget

Vær med å søtt alle utøvere og frivillige i Radøy FK med klubbkolleksjon.

Se vedlagte film (ca. 50 sek) og ta action! Mer info nederst i denne e-posten, men se filmen først.

<a href="https://hei.stotte.no/v/VNPIg/?preview=true">https://hei.stotte.no/v/VNPIg/?preview=true</a> Vi setter stor pris på alle våre medlemmer og er så takknemlige for den støtten vi mottar. Nå håper vi du griper muligheten til å gi din støtte digitalt gjennom den nyutviklede appen Støtte. Appen gjør det mulig for alle som har Vipps gi et lite kronebeløp som går til klubben hver gang du bruker penger fra en valgt konto. I hvilken som helst butikk, helt automatisk! Det betyr at klubben får litt penger fra veldig mange – jevnt og trutt. Og det beste av alt – du merker det så vidt. Men for oss betyr det all verden for å kunne gi deg og alle våre medlemmer det aller beste tilbudet. Du finner klubben vår (lag/organisasjon) enkelt i appen, og vi har opprettet ulike formål du kan velge å støtte. Du bestemmer hvor mange kroner – f.eks. 2, 5 eller 10 – som du vil gi hver gang du betaler noe. Ja, du kan endre beløp eller sette på pause når som helst. Last ned Støtte-appen og bli en verdsatt støttespiller du også!&nbsp; LINK:&nbsp;https://stotte.no/spre-budskapet På forhånd TUSEN TAKK, det betyr enormt mye for både klubbens fremtid og alle barn og unge vi til daglig aktiviserer.

STØTTE-appen: Har du fått med deg denne muligheten?

I ein kald vind med mykje Radværinga på plass på Stemmemyren tok G15 med seg alle poenga heim igjen.

Noa Sjursen-Daae gav oss 1-0 etter 9 minutt og utover i omgangen hadde me mykje fint spel med passinger i laget og tolmodig spel og eit par muligheter il å auka leiinga, spesielt ein ganske stor der avsluttninga gjekk rett til side for mål.

Så går det jo ofte slik att når man ikkje klarer å få ballen i mål så kjem det andre veien. Varegg/Sandviken fekk frispark i det 36 minutt på si venstre side utan for 16 meteren og i vinden så vart det ein høg ball rett under tverrleggaren.

2-1 til Varegg/Sandviken kom i det 65 minutt etter skudd via keeper og i mål. Då skulle man kanskje tru att lufta gjekk ut men nei, Henrik Fanebust Lilletveit utlikna til 2-2 i det 75 minutt og han auka lika godt til 2-3 i det 80 minutt og Mikael Klausen Erstad sette inn den berømte spikaren i kista til 2-4 i det 81 minutt til stor jubel frå dei mange tilresiande Radværingane.

Siger på Stemmemyren

G15 starta sesongen med 3 poeng i Austmarka

Radøy G15 sesongåpna med kamp lørdag 12.04 mot Djerv/Nordnes, dei vant 5-2 etter ein god kamp. Guttane fekk vist fram mykje av det dei har trent på i vinter, både med oppspel og mykje fint spel framover. Fleire gode langskudd avgjorde kampen med 4 forskjellige målskorarar.

Alt i alt ein godt gjennomført kamp, neste kamp er tirsdag 23.04 borte mot Varegg/Sandviken 2.

Djerv/Nordnes gjekk tidleg opp i 0-1 men Lukas Waldersnes Vågenes utlikna nokre minutt seinare på eit langskudd til 1-1 så la Christian Bautista og Markus Marøy Ervik på til 2-1 og 3-1 før Dejerv/Nordnes reduserte til 3-2 på straffe. Men Radøy var ikkje ferdig og Henrik Fanebust Lilletveit auka til 4-2 og tilslutt 5-2.

God sesongåpning av G15 i Austmarka!

83 lag frå Nordhordland har da spelt 125 kamper i årets første serietrunering.

Fleire hundre spelara i 1-3 klasse med foreldre, besteforeldre, tanter og onkler har i dag vore på Bø i den første serietruneringa denne sesongen.

Vaffel pressa, kaffi, brus, hot dog og frukt har gått på høggir i hele dag.

Mange mål og mange trøtte bein vart det men alle hadde det kjempekjekt både på bana og i vaffelkø.

22 Dommara frå 11 år har vore i aksjon og gjort ein kjempeflott insats.

Å gjennomføra ei så stor turnering på ein dag krev att man har organisert det godt på forhånd og att man har med seg ein god gjeng med dugnadsfolk på planlegging, tilrigging, gjennomføring og nedrigging..

Her trengs alt frå parkeringsvakter til personer som berre går rundt og ser att det går greit for seg.

Ein stor takk til alle som var med å bidra til att dette vart ein fin fotballdag for ungane

Bilder: Radøy fotballklubb og Hordabø idrettslag.

Serieturnering 1-3 klasse

Radøy sitt A-lag for menn spelte uavgjort 2-2 mot Baune i sin andre seriekamp i år og har dermed fire poeng.

Kampen starta med eit baklengsmål etter berre fem minutt på noko som truleg var ein innøvd corner. Radøy tok deretter over meir og meir av spelet og fekk utteljing i det 28. og 29. minutt. Det høge presset førte til at gjestrane gjorde feil og begge måla vart skåra av Alexander Valdersnes. I det siste vart han spelt fri av Sander Rath og kunne setje ballen enkelt i det tomme målet frå to meters hald. Mot slutten av omgangen stressa Radøy meir men kunne gå til pause med 2-1 leiing. I andre omgang spelte Baune ein heilt ekstrem langballsfotball og pumpa langballar opp mot angriparane frå back og midtstopparar. Dette takla Radøy nokså dårleg og vart springane med nasa mot eige mål gong etter gong. Det enda i ein mengde hjørnespark til gjestane og på eitt av dei sleit Radøy med klarering og gjestane utlikna. Ved eitt tilfelle redda også keeper Nurdin Jallo Jamboria som siste skanse. Radøy klarte ikkje sjølv å slå presise nok ballar opp mot eigne angriparar, men hadde i alle fall èin gigantsjanse. Sander Rath kom laus på kant og slo ein flat ball inn mellom forsvaret og keeper. Berre eit par cm mangla på at Simon Morken fekk tuppa ballen i mål. Det var ingen stor kamp verken frå Baune eller Radøy - men begge lag vart vel totalt sånn passeleg misnøgde med poengdelinga.&nbsp;&nbsp; Bilettekst: Alexander Valdersnes skåra to i denne kampen også - og har dermed tre mål på to kampar.

Uavgjort for A-laget

Med 4-2 siger i første seriekamp i 2. divisjon mot Smørås var det god stemning i juniorlaget til Radøy tysdag.

Med 4-2 siger i første seriekamp i 2. divisjon mot Smørås var det god stemning i juniorlaget til Radøy tysdag. Særleg dei 25 første minutta i kampen var Radøy veldig gode i det høge presset og skapte sjanse på sjanse. Mange fine angrep vart det. Kaptein Theodor Rønn-Aar kom stormande inn i feltet og heada eit innlegg flott i mål utagbart for keeper eit kvarter ut i kampen. Tre minutt seinare skåra Theodor Soldal Sæbø sitt første for kvelden før Martin Taule Måge auka til 3-0 i det 24. minutt. Laga gjekk dermed til pause på stillinga 3-0 til Radøy. I andre omgang reduserte Smørås, før Theodor Soldal Sæbø skåra sitt andre for kvelden. Radøy sleppte inn eit mål til mot slutten, men sigeren var aldri alvorleg i fare.&nbsp; Bilettekst: Theodor Soldal Sæbø spelte spiss i denne kampen og skåra to mål. God stemning etter kampen: F.v. Andreas Herland Olsen, Isak Friis Thomassen, Scott Alexander Menzies og Theodor Rønn-Aar.

God start for juniorlaget

Med skåring tre minutt på overtid sikra Radøy sitt A-lag tre poeng borte mot Austrheim i sesongopninga fredag.

Radøy tok alle poenga

Radøy FK sitt a-lag får nytt trenarteam før sesongen 2024 her med Sportsleg leiar Frode Myking.

Hovudtrenar blir Geir Atle Osa som har vore ein av dei mest sentrale spelarane i klubben gjennom historia. Midtbanegeneralen har også spelt på NBK og vore trenar for aldersinndelte lag i NBK etter at han flytta til Hilland. Hjelpetrenar blir Thomas Rønn-Aar. Han er frå Austlandet men har budd på Seim i mange år. Thomas har spelarerfaring frå mellom anna Eik-Tønsberg på nivå 2 i norsk fotball og har også vore trenar saman med Geir Atle for aldersinndelte lag i NBK. Styret er svært nøgde med det nye trenarteamet

Styret vil også takke Ola Jøsendal som takka for seg etter tre sesongar som hovudtrenar. Han leia laget gjennom ei svært krevjande tid med nedstenging under pandemien og tok laget opp i 4. divisjon førre sesong. Vi takkar også Arild Mørk for svært viktige bidrag under årets sesong.

Støtteapparat rundt a-laget blir Oddvar Haukeland, Frank Rath, Øyvind Skutle og Jon Halstein Tjore som dei siste sesongane. Det skal også ein keepertrenar på plass.

A-laget rykka som kjent ned til 5. divisjon etter årets sesong. Med det nye trenarteamet meiner styret at grunnlaget er lagt for at Radøy skal bite godt frå seg i komande sesong

Nytt trenarteam i Radøy FK

Den viktige bortekampoen mot Trio enda 3-3 for a-laget for menn. Poenget kan vere viktig, men det må mest truleg minst to poeng til for å sikre plassen i divisjonen. Det er tre kampar igjen å gjere det på.

Kampen starta godt for Radøy og laget leia 0-2 etter ein knapp halvtime. To flotte skåringar av Sander Rath og ikkje minst ei heading på bakre stolpe av Inge Johan Hella. Men så var det som om Radøy seinka garden ørlite og det førte til to enkle skåringar av heimelaget før pause. Andre omgang var jamn men litt prega av kjemping meir enn flott spel. Ein halvtimes tid ut i andre omgang enda det med skåring til Trio. Men Radøy gav aldri opp og heilt mot slutten fekk Radøy kriga inn utlikninga ved Emmanuel Hofsvik. Neste laurdag ventar sterke Osterøy og det blir ein ny kamp heime på Radøy med kriging om dei siste nødvendige poenga.

A-laget med uavgjort borte mot Trio

Manger cup 2023 blir 11-12 November for 1 , 2 og 3 klasse.

<a href="https://www.profixio.com/app/manger-cup-2023">https://www.profixio.com/app/manger-cup-2023</a>

https://radoyfk.no/contentcategory/948563246

Manger cup 2023

Vi må skryte av j11 med seier i to av tre siste kampene! En fantastisk flott gjeng som jobber og står på hele kampen! De jobber og kjemper sammen som et lag skal gjøre. 

Et, litt ufortjent,  tap hjemme mot Bergen Nord (4-6) og  borte mot NBK Alvidra (2-6) og borte mot Åsane (3-7) ila de to siste ukene. 

Superjentene! 

Etter fire strake sigerar i haust kollapsa det fullstendig for A-laget mot serieleiar Askøy på laurdag. Stygge 0-13 vart sluttresultatet.

Sjukdom og skadar påverka nok prestasjonen noko - men normalt skulle ikkje det føre til eit slikt resultat. To tidlege skåringar såg ut til å knekke alt av sjølvtillit og vilje hjå heimelaget og resten av kampen var nok både ille for spelarane og publikum. Her gjeld det berre å gløyme og sjå framover til neste kamp som er borte mot Arna Bjørnar førstkomande fredag. -------------------------- Drøymedebut for Isak Isak Friis Thomassen (15) skåra heile fire mål i sin seniordebut med 6. divisjonslaget søndag på Bø. Han starta på benken og alle fire måla vart skåra då han kom inn i 2. omgang. Radøy 2 vann kampen 4-3 mot Dale og har dermed lik poengsum som Dale på 3. plass, men Radøy har spelt to kampar mindre. Første omgang enda 0-0, men med eit overtak for Radøy. Dale var farleg frampå med kontringar og dei hadde eit par raske og farlege spelarar på topp. Men så kom altså denne talentfulle ungdommen innpå. Han sikra to kjappe skåringar fro Radøy tidleg i omgangen. Dale reduserte men Isak auka til 3-1 kort tid etterpå. Men så rota heimelaget det til og stillinga var 3-3 til eitt minutt på overtid. Då var Isak på nytt på farten og sikra 3 poeng til heimelaget. Det var elles fleire debutantar i denne kampen. Alle gjorde ein fin figur. Theodor Rønn-Aar, vår nye keeper Sebastian Spurkeland Sannerud og Andreas Herland Olsen viste alle gode takter. Sindre Grindheim Bøe er- endeleg tilbake etter ein langvarig kneskade. Vår eigen brasse, Antonio Cardeol Trindade Neto, er tilbake på Radøy etter nokre år i Brasil. Han aukar åleine duellstryken i laget med mange prosent. Radøy hadde med seks juniorar og ein gutespelar i denne troppen. Det lovar godt for framtida. Her ser me Isak i duell med VIFsin keeper under Norway Cup